Универзитет Скопје учествуваше на 56. Меѓународен саем за туризам во Нови Сад со свој изложбен штанд, на кој беа претставени студиските програми и активностите од областа на туризмот и угостителството.

Во рамките на саемските активности, деканот на Факултетот за туризам, Сашко Граматниковски, оствари официјални средби со покраинскиот секретар за економија и туризам на Војводина, Ненад Иванишевиќ, градоначалникот на Нови Сад, Жарко Миќин, директорот на Новосадскиот саем, Слободан Цветковиќ.

На средбите се разговараше за можностите за зајакнување на академската и туристичката соработка, заеднички проекти и унапредување на туристичкото образование.

Учесничкиот настап на Универзитет Скопје беше оценет како исклучително успешен и значаен за промоција на македонскиот туристички потенцијал и за проширување на меѓународните партнерства.

Универзитет Скопје повторно се закити со неколку престижни награди од Новосадскиот саем — признание за континуираниот придонес во унапредувањето на туристичкото знаење и развојот на туризмот во Република Македонија.

Горди сме што трудот, посветеноста и визијата се препознаени!